قصيدة المتي
عزمتني عالمتي و الدنيا ع بتشتي جاييكي الساعة ستي و ربع
مشتهي المتي بحليب و اتحلى معها بزبيب جايي و بقلبي لهيب لسع
جايي و بقلبي حريق بفور أكبرها بريق يا محلا المتة عالريق كرع
بكفي شوية بزر خلي إمك تنمزر شوفي لسانها شي شبر طلع
من الغرفة طلع خيك كان مقطف متشيك جاب الجلطة لبيك و مزع
شافنا بيك فكرو احتاس حشك علينا بالمساس كان مسمى بين الناس سبع
مفكر حالو طرزان متلو ما جاب الزمان دعس ع باب الخزان وقع
عبا الخزان صياحو و المي خرقت لصفاحو إمك صاحت وين راحوا الربع
بالمتة عندك بخني كاسي منك تدوخني صبيلي كاسي سخني رفع
أوعى تعطيني البلي صبيلي متي و حلي ممنوعة حدي تضلي منع
لا تخلي المتي تقشش بحيث إنو قلبي محشش شامم ريحة بتطشش شو ضبع
قوليلي شو هالريحة و كوني معي صريحة ما إسا كنت مليحة وجع
يمكنا ظلمناكي هاي الريحة من الباكي ريتو لسان البكاكي انقطع
امسحي دموعك بكفي حاجي تنوحي و تنفي ما كلك رقة و خفي و دلع
سمعنا صوت من الخزان طلع بيك شو غضبان خليني فل بأمان وانقلع
و قبل ما إني إمشي صمطني بشقفة طبشي كسرلي لوحي و رفشي و ضلع
و ضربة ع قفا راسي دبت بجفوني نعاسي صرت لقط بدراسي جمع
كلو مني و ما استشفى و من عندك عالمستشفى لحق عليي و كفى خلع
لملمت جراحي و فليت و عن ذيك الديرة قفيت الخطبة و المتي نهيت قطع
| 
الإثنين أبريل 27, 2009 10:34 am
